English

دست سرنوشت (غمزَه)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

.

.

چَشیای ناز ِمَسْتُشْ ، وَ یَه غَمْزَه خارُم اُشکُ

بَخدا که هِسکَه نادِین، چه وَ روزگارُم اُشکُ

.

گَپیای دِلنِشینُش ، وَ خَشی چُن بَرُن دِن

وَ لِطافتِ کَلومُش، هَمَه آیه بارُم اُشکُ

.

مُ اُمیدُم از خدا دِن ، که مُگِی خداش بِبِنِم

چُنِ مُرغ شَو کِه تَهنان ، مُگَه غُصَّه خارُم اُشکُ

.

چُن خُشْ کسی نَنی دِن ، چُن صورت جَمیلُش

که گناهِ بُت پَرستی ، وَ مه طرحُ کارُم اُشکُ

.

اِ نَه دستِ سَرنُوشتِن ، که مو اِندِه بی نوا بِم

تِه دل مو خار محنت ، گل دست یارُم اُشکُ

.

عَسَل ِکپ شیرینُش، چُنِ سینه ی  مَمْامو

شَتِه کَپ نَدِم خُدایا ، گِنَه ای تبارُم اُشکُ

.

اگَه زندگیم نَشابی ، چه بُگُم کَرِ خُدا دِن

زِرِ خاکِ پاکِ بَستَک ، وَ خَشی مزارُم اُشکُ

 

 

 

 

چشیای ناز مسْتشْ ، و یه غمْزه خارم اشک

بخدا که هسکه نادین، چه و روزگارم اشک

.

گپیای دلنشینش ، و خشی چن برن دن

و لطافت کلومش، همه آیه بارم اشک

.

م امیدم از خدا دن ، که مگی خداش ببنم

چن مرغ شو که تهنان ، مگه غصّه خارم اشک

.

چن خشْ کسی ننی دن ، چن صورت جمیلش

که گناه بت پرستی ، و مه طرح کارم اشک

.

ا نه دست سرنوشتن ، که مو انده بی نوا بم

ته دل مو خار محنت ، گل دست یارم اشک

.

عسل کپ شیرینش، چن سینه ی ممْامو

شته کپ ندم خدایا ، گنه ای تبارم اشک

.

اگه زندگیم نشابی ، چه بگم کر خدا دن

زر خاک پاک بستک ، و خشی مزارم اشک

نمی پسندممی پسندم (0 rating, 2 votes)

جستجو

خبرنامه

اتفاقی

تبلیغات